Konor Makdevid 16 ta yoki undan kam oʻyinda 40 ochko toʻplagan NHLning toʻrtinchi oʻyinchisiga aylandi

29 yoshli kanadalik uchun bu mavsumdagi 40-ochko boʻldi — u 16 ta oʻyinda 9 ta gol urib, 31 ta golli uzatmani amalga oshirdi. U chempionat boshidan beri davom etayotgan ochko seriyasini uzaytirdi va liga toʻpurarlari poygasida yetakchilik qilmoqda.

Avvalroq 16 ta yoki undan kam oʻyinda 40 ochkolik marraga Jo Meloun 1917/18 yilgi mavsumda «Monreal» safida 16 ta oʻyinda, Ueyn Gretsski 1983/84 va 1984/85 yilgi mavsumlarda «Edmonton» bilan 15 ta oʻyinda, shuningdek, Mario Lemye 1988/89, 1992/93 va 1995/96 yilgi mavsumlarda mos ravishda 12, 14 va 12 ta oʻyinda erishgan. Uchalasi ham «Pitsburg» safida oʻynagan.