«Bornmut» yanvarda Aleks Skottni £100 mln evaziga sotishga tayyor
Klub Angliya terma jamoasi yarim himoyachisini transfer qilish masalasini taxminan £100 mlnlik taklif va jamoaning APL turnir jadvalidagi oʻrniga qarab koʻrib chiqmoqda, deb yozadi BBC Sport.
«Bornmut» 23 yoshli Aleks Skottni qishda sotishi mumkin, buning uchun klub taxminan £100 mlnlik taklif olishi kerak. Avvalroq klub APLning «katta oltiligi» vakillari, jumladan «Chelsi»ning bonuslar bilan £64 mlngacha boʻlgan taklifidan kelib chiqqan qiziqishini rad etgandi.
Bitim «Bornmut»ning turnir jadvalidagi oʻrniga bogʻliq boʻladi: agar jamoa quyi ligaga tushib ketmaslik uchun kurashsa, transfer amalga oshmasligi mumkin. Skott Xorvatiyaga qarshi Millatlar ligasi uchrashuvida sonidan olgan jarohati sabab kamida bir oy maydonga tusha olmaydi. Uning klub bilan shartnomasi 2028 yilgacha amal qiladi.
Futbolchiga «Chelsi» va «Liverpul» qiziqishini saqlab qolmoqda, «Manchester Siti», «Manchester Yunayted» va «Tottenhem» esa boshqa futbolchilarga eʼtibor qaratdi. Klubda yarim himoyachilar narxi oshgani qayd etilmoqda: bu pozitsiyada oʻynaydigan uch futbolchi allaqachon £100 mln dan ortiq summaga boshqa jamoalarga oʻtgan.
