Messi terma jamoadagi soʻnggi oʻyinidan soʻng vidolashuv postini eʼlon qildi
Futbolchi Instagramʼdagi taʼsirchan murojaatida oilasi, jamoadoshlari, murabbiylari va muxlislariga minnatdorlik bildirdi.
Lionel Messi Buenos-Ayresdagi «Monumental» stadionida Benin terma jamoasiga qarshi oʻtkazilgan vidolashuv uchrashuvi bilan Argentina terma jamoasidagi faoliyatini yakunladi. Uchrashuv «Soʻnggi tango» deb nomlandi.
Messi Instagramʼdagi postida milliy jamoa libosini allaqachon sogʻinayotganini aytdi va 21 yillik yoʻlini «aql bovar qilmas» deb atadi. U ketish haqidagi qarorni qabul qilish oson boʻlmaganini, biroq bosib oʻtilgan har bir qadam bunga arzigani taʼkidladi. Futbolchi oilasi, doʻstlari, jamoadoshlari, murabbiylari va Diego Maradonaga, shuningdek, terma jamoadagi faoliyati davomida uni qoʻllab-quvvatlagan klublarga alohida minnatdorlik bildirdi.
Uchrashuvning 10-daqiqasi Messi sharafiga bir daqiqalik olqishlar bilan boshlandi — muxlislar uning afsonaviy raqamiga qarsak chalishdi. Oʻyindan soʻng stadion uzra futbolchi tasvirlari va «Gracias Leo» yozuvi aks etgan dronlar shousi namoyish qilindi, shuningdek, mushakbozlik va musiqiy chiqishlar boʻlib oʻtdi.
Messi terma jamoadagi faoliyati davomida 2022 yilgi jahon chempionatida, Amerika kubogida ikki marta gʻolib chiqdi hamda milliy jamoa safidagi gollar va oʻyinlar soni boʻyicha rekordlar oʻrnatdi.
