Tebas «Bernabeu»dagi oʻzi va Negreyra haqidagi banner haqida: «Real oʻzini jabrdiyda qilib koʻrsatmoqda»
«Sevilya» bilan oʻyinda «Real» 4:1 hisobida gʻalaba qozondi, Tebas esa bannerni klub rahbariyatining ritorikasi bilan bogʻladi.
Tebas «Bu futbol emas, bu Tebas va Negreyra» degan bannerni «Real» rahbariyatiga qarshi ayblovlarining tasdigʻi deb atadi. Uning soʻzlariga koʻra, klub ritorikasi ayrim odamlarni nishonga aylantirmoqda va muxlislarning ularga nisbatan adovatini kuchaytirmoqda.
U 16 oktabr kuni «Real»dan Negreyra bilan taqqoslashni hamda taqvimning xolis boʻlmagan tarzda tuzilgani haqidagi ayblovlarni rad etishni talab qilganini eslatdi. Tebas, shuningdek, klubni uchrashuvlarni koʻchirish boʻyicha yuborilgan barcha soʻrovlar va ularni koʻrib chiqish natijalarini oshkor etishga chaqirdi.
La Liga prezidenti, bundan tashqari, xalqaro matbuotning munosabati haqidagi nashrlar orqali «Real»ni manipulyatsiyada aybladi.
