Kenguru Avstraliyadagi MotoGP mashgʻulotini toʻxtatdi
Qizil bayroqlar sessiyani ikki marta toʻxtatdi — avval toʻqnashuv sababli, keyin esa trassada hayvon paydo boʻlgach.
Ikkinchi mashgʻulotdagi eng yaxshi natijani Bedzekki qayd etdi — 1:26.775. Fernandes 0.072 soniya ortda qolib, ikkinchi boʻldi, Mark Markes esa uchinchi oʻrinni egalladi (+0.126).
Mashgʻulot yakunlanishiga taxminan 10 daqiqa qolganida Bedzekki Aleks Markesning mototsikli orqa qismiga tegib ketdi. Italiyalik poygachining mototsiklidan obtekatel boʻlagi uzilib tushdi, poygachi esa shagʻalli hududga chiqib ketdi. Aleks Markes harakatni davom ettirdi, biroq tashkilotchilar boʻlaklarni olib tashlash uchun mashgʻulotni toʻxtatdi.
Qayta boshlanganidan sakkiz daqiqa oʻtib, trassaga kenguru yugurib chiqdi. Hayvon toʻsiqdan sakrab oʻtib, trassani tark etdi, shundan soʻng sessiya qayta davom ettirildi. Aleks Markes oltinchi boʻldi (+0.375), Jek Miller esa 12-oʻrinni egalladi (+0.823).
