«Manchester Siti» ishi boʻyicha siyosiy bosim oʻtkazilsa, IFR rahbari isteʼfoga chiqishga tayyor
Angliya Mustaqil futbol regulyatori (IFR) rahbari Devid Kogan BBC Sportʼga siyosatchilar moliyaviy qoidabuzarliklardan keyin klubni ehtimoliy sotish haqidagi qarorga taʼsir oʻtkazishga urinsa, lavozimini tark etishini aytdi.
Mustaqil komissiya «Manchester Siti»ni 2009 yildan 2018 yilgacha Premyer-liganing moliyaviy qoidalarini buzganlikda aybdor deb topdi. Klub tijoriy hamkorlar bilan tuzilgan soxta shartnomalar orqali 830 million funt sterlingdan ortiq mablagʻni yashirgan, biroq chiqarilgan qaror ustidan shikoyat qiladi.
Kogan regulyator qatʼiy ravishda qonun asosida ish koʻrishini va siyosatchilarning aralashuviga yoʻl qoʻymasligini taʼkidladi. Avvalroq bosh vazir Endi Bernem Abu-Dabidagi egalar tomonidan klub sotilishi mumkinligidan xavotir bildirgan, bu esa Premyer-liganing boshqa klublari tanqidiga sabab boʻlgan.
«Siti»ga qarshi sanksiyalar jarimalar, ochkolarni olib tashlash yoki ligadan chetlatishni oʻz ichiga olishi mumkin. Jazo haqidagi qaror alohida tinglovdan keyin qabul qilinadi, bu jarayon bir necha oy davom etishi mumkin.
