Lyuis Xemilton pit-stopdagi xatosi haqida: «Yashab oʻrganasan»
AQSh Gran-prisi oldidan yetti karra jahon chempioni ochkolar boy berilgani «Ferrari» uchun ogʻriqli boʻlganini tan oldi, biroq oʻz yondashuvini oʻzgartirishdan bosh tortdi.
«Ferrari» piloti Lyuis Xemilton Singapur Gran-prisida jamoa pit-stopga kirishni buyurganiga qaramay, pit-stopga kirmaslikka qaror qildi. U Sharl Leklerning harakatlarini takrorlashdan koʻra, muqobil taktika tanlamoqchi boʻldi, chunki hisob-kitoblarga koʻra, «Ferrari» faqat ikkinchi va uchinchi oʻrinlarni egallashi mumkin edi, Maks Ferstappen esa tezroq boʻlishi ehtimol edi.
Xemilton trassada qolish haqidagi qarorni Lekler pit-stopga kiradimi yoki yoʻqmi, bilmagan holda, bir soniyaning ulushida qabul qilganini aytdi. Pit-stopga kirish joyi yaqiniga kelganida esa, ehtimol xato qilganini tushundi, masʼuliyatni oʻz zimmasiga oldi va bunday holat takrorlanmasligi uchun bundan xulosa chiqarishga vaʼda berdi.
