Kolbi Kovingtom Jon Jonsni «iblis» deb atab, Geybl Stivsonga undan uzoqlashishni maslahat berdi
Kollejda bir xonada yashagan sobiq kursdoshlar Stivson UFC 331 turnirida nokautga uchragach, yana bir-birini haqorat qildi, deb yozadi MMA Fighting.
Kovingtom Jonsni Olimpiya chempioni Geybl Stivsonning faoliyatini «zaharlayotganlikda» aybladi. Uning soʻzlariga koʻra, Jons — sportchini barbod qilayotgan «yomon energiya»ga ega «iblis».
Stivson UFC 331 turnirida Shon Sharafga 12 soniyada nokaut bilan yutqazdi. Jangdan soʻng u natija rasman eʼlon qilinishidan oldin qafasni tark etdi va bu MMA hamjamiyatida tanqidlarga sabab boʻldi. Kovingtomning fikricha, bunga Jons aybdor: «U Stivsonning boshini yolgʻon umidlar bilan toʻldiryapti».
Jons ijtimoiy tarmoqlarda Kovingtomga javob berdi: «Sening nafrating notoʻgʻri odamga qaratilgan. Yuzingni men emas, Usmon sindirgan». U «yomon energiya» haqidagi dalilni ham masxara qilib, oʻzi hamon magʻlub boʻlmagan jangchi boʻlib qolayotganini, Stivson magʻlubiyatga uchraguniga qadar esa shogirdlari barcha janglarda birinchi raunddayoq gʻalaba qozonganini eslatdi.
