Mbappe Chempionlar ligasi tarixidagi toʻpurarlar reytingida beshinchi oʻringa chiqdi
«Real» hujumchisi turnirdagi 72-golini urib, «Roma»ga qarshi kechgan (4:3) oʻyinda Rauldan oʻzib ketdi.
15-oktabr, 16:54По-русски
commons.wikimedia.org — Bryan Berlin
Kilian Mbappe Chempionlar ligasidagi 72-golini urib, turnirning eng yaxshi toʻpurarlari roʻyxatida beshinchi oʻringa chiqdi va Raulni (71 gol) ortda qoldirdi.
Bu oʻyinda Mbappe Chempionlar ligasidagi 100-oʻyinini ham oʻtkazdi va ushbu marraga yetgan eng yosh futbolchiga aylandi (27 yosh-u 298 kun). Gollar soni boʻyicha rekord Krishtianu Ronaldoga tegishli (140 ta).
Eng yaxshi toʻpurarlar beshligiga Lionel Messi (129 gol), Robert Levandovski (109) va Karim Benzema (90) ham kiradi. «Real»ning Chempionlar ligasidagi navbatdagi oʻyini 21-oktabr kuni «Leypsig»ga qarshi boʻlib oʻtadi.
