Manishe: Ronaldo 29 yoshidayoq butsalarini mixga ilib qoʻyishi mumkin edi
Portugaliya terma jamoasining sobiq yarim himoyachisi FourFourTwo nashriga bergan intervyusida terma jamoadagi sobiq jamoadoshi haqida fikr bildirdi.
Manishening soʻzlariga koʻra, 40 yoshda yuqori saviyada oʻynash uchun favqulodda professionallik va oʻz ishiga hurmat kerak, buni faqat omad bilan izohlab boʻlmaydi. U «Al-Nasr» hujumchisini yosh futbolchilarga oʻrnak deb atadi: ular choʻqqiga olib boradigan yoʻl pul haqida oʻylashni emas, intizomni talab qilishini anglab yetishlari kerak.
«U 29 yoki 30 yoshida faoliyatini yakunlashi mumkin edi: oʻsha paytga kelib, u allaqachon toʻliq moliyaviy mustaqillikka erishgan va Chempionlar ligasida gʻolib chiqqan edi. Ammo u musobaqalashishni, bor kuchi bilan harakat qilishni va yulduz boʻlishni yoqtiradi. U dunyoning eng yaxshisi boʻlishni va odamlar u haqda gapirishini yaxshi koʻradi. Bu uning feʼl-atvorining bir qismi», — dedi Manishe.
