Harri Keyn «Oltin toʻp»dan koʻra Chempionlar ligasidagi gʻalabani tanlagan boʻlardi
«Bavariya» hujumchisi Harri Keyn Chempionlar ligasida gʻalaba qozonish uchun «Oltin toʻp»dan voz kechishga tayyor boʻlgan boʻlardi, deb tan oldi. Angliyalik futbolchi bu mukofotni bir hafta avval qoʻlga kiritgan.
«Ha, men Chempionlar ligasini tanlagan boʻlardim. Men har doim maydonga, avvalo, jamoaviy sovrinlar uchun chiqishimizni takrorlab kelganman. Futboldagi jamoaviy jihat men uchun nihoyatda katta ahamiyatga ega.
Shu bilan birga, buni yashirmayman: oʻtgan hafta “Oltin toʻp”ning topshirilishi hayotim va faoliyatimdagi eng yorqin tuygʻulardan birini hadya qildi. Bu haqiqatan ham oʻzgacha oqshom va men uchun juda muhim mukofot boʻldi, buni hech qachon kamsitmoqchi emasman.
Ammo «Bavariya» bilan birga Chempionlar ligasi kubogini bosh uzra koʻtarish, bu quvonchni jamoadoshlarim va klub bilan baham koʻrish — bu aql bovar qilmas darajadagi voqea boʻlardi.
Faoliyatimga umuman nazar tashlasam, “Oltin toʻp” — meni yangi darajaga olib chiqadigan ulkan yutuq. Ammo men Chempionlar ligasi kabi eng nufuzli turnirlarning finallarida ham maydonga chiqib, ularda gʻalaba qozonishni va bu tuygʻularni jamoa bilan birga boshdan kechirishni istayman.
Biroq hozir menda ikkala sovrinni ham qoʻlga kiritish imkoniyati bor. Shunday ekan, hammasi qanday kechishini koʻramiz», — dedi Keyn.
