«Barselona» Alvaresni oʻz safiga ogʻdirishga uringani uchun RFEF solgan jarima ustidan shikoyat qiladi
Kataloniya klubi «Atletiko» shikoyatidan soʻng Ispaniya Qirollik futbol federatsiyasi tomonidan qoʻllangan sanksiyalarga rozi emas.
Tekshiruvga «Barselona»ning yozdagi Xulian Alvaresni oʻz safiga qoʻshib olishga urinishlari sabab boʻldi.
Voqea jahon chempionati vaqtida boshlangan: oʻshanda argentinalik hujumchi «Atletiko»ni tark etish istagini ochiq bildirgan. «Barselona» vaziyatdan foydalanib, hujumchini oʻz safiga qoʻshib olishga urindi, biroq bitim tuzilmadi. Bunga javoban Madrid klubi RFEFga murojaat qilib, raqibini axloqiy meʼyorlarni buzganlikda aybladi.
Federatsiya bir kun avval qaror chiqardi: «Barselona» 602 yevro toʻlashi kerak. Jarima «koʻrsatmalar, yoʻriqnomalar, kelishuvlar yoki meʼyoriy majburiyatlarni bajarmaslik» haqidagi modda asosida belgilangan.
Marca maʼlumotlariga koʻra, Kataloniyada bu qarorga rozi boʻlishmayapti va jarimaning oʻziga ham, ushbu ish boʻyicha qoʻllanishi mumkin boʻlgan boshqa sanksiyalarga ham qarshi chiqmoqchi. Klubda gap ramziy summa haqida ketayotganini tushunishadi, biroq prinsipial pozitsiyada turib olishmoqda: ularning fikricha, reglament buzilmagan, chunki «Barselona» Alvaresga qiziqayotganini «Atletiko»ga rasman va toʻgʻridan-toʻgʻri bildirgan.
