«Arsenal» Angliyaning 4-ligasi vakili «Flitvud»ga yutqazib, Liga kubogidan sensatsion tarzda chiqib ketdi
«Flitvud»dagi «Hayberi» stadionida oʻtgan uchrashuvning asosiy vaqti 1:1 hisobida yakunlandi, penaltilar seriyasida esa mezbonlar 5:3 hisobida gʻalaba qozondi.
«Arsenal» Angliya Liga kubogidagi ishtirokini 1/8 final bosqichida yakunladi. London klubi Angliya futbolidagi kuch jihatidan toʻrtinchi divizion — 2-liga vakili «Flitvud»ga yutqazdi.
Autsayder 21-daqiqadayoq Aaron Lupalo-Bining goli evaziga hisobda oldinga chiqdi. Londonliklar tanaffusdan koʻp oʻtmay hisobni tenglashtirdi: 50-daqiqada Viktor Dyokeresh gol urdi. «Kanonirlar» uchrashuvning oxirgi qismini kamchilikda oʻtkazdi — 85-daqiqada yarim himoyachi Maks Doumen maydondan chetlatildi.
Qarama-qarshilik taqdirini oʻyindan keyingi penaltilar seriyasi hal qildi. Unda faqat «Arsenal» yarim himoyachisi Bruno Gimaraynsh zarbani aniq amalga oshira olmadi. «Flitvud» turnir chorak finaliga yoʻl oldi.
