Kin Karrik haqida: «Mayklga hali ham “MYu”da qolayotgani omad»
“Manchester Yunayted”ning sobiq sardori Roy Kin Stick to Football dasturida klubning bosh murabbiylik lavozimini Maykl Karrikka ishonib topshirish haqidagi qarorini tanqid qildi.
Irlandiyalik futbolchining soʻzlariga koʻra, Karrik jamoani boshqargan oʻtgan mavsumdayoq bu uzoq muddatli qaror emasligi aniq edi. Kin jamoa boshida bir nechta oʻyin oʻtkazish bilan klubni toʻlaqonli boshqarish mutlaqo boshqa vazifalar ekanini taʼkidladi. Ikkinchi holatda mavsumoldi tayyorgarlik uchun javob berish, kutilmalar bilan ishlash va tarkibni shakllantirishga shugʻullanishga toʻgʻri keladi.
«Oʻtgan yili natijalar bor edi va hamma bir ovozdan Karrikni aynan shu sababli tasdiqlash kerakligini aytardi. Endi gʻalabalar yoʻq, ayb esa rahbariyat, Jeyson Uilkoks yoki yana kimningdir zimmasiga yuklanmoqda», — dedi Kin.
Sobiq yarim himoyachi Karrik va uning shtabi — Jonni Evans, Jonatan Vudgeyt hamda Stiv Hollandi klubdagi ishini saqlab qolganidan omadli boʻlgan deb hisoblaydi. «Endi ular xarakterini namoyon etib, gʻalaba qozonishni boshlashi kerak. Buni shanba kuni “Chelsi” ustidan qozoniladigan gʻalabadan boshlash lozim», — deya qoʻshimcha qildi u.
